星馬菜 - 海南少爺

想在香港吃星馬菜其實唔難, 不過好少餐廳做得好, 做得好的那些收費又不便宜.
其實早陣子巳知香港開了這家連鎖的海南少爺, 吃的是星馬菜為主, 今年更獲得米芝蓮推介的新加坡餐廳, 來頭不少.
是想試很久, 不過平時一個人就免了, 這天拉埋另一半一起來, 貪可以試多幾款.

晚上8時左右來到, 人不算很多, 不用排隊就可以入座.
餐廳裝潢簡約, 空間感足, 枱與枱之間亦有保持一定的距離, 我們坐梳化位, 頗舒適.
侍應先送上一壺茶, 一聞, 很香呢~原來是荔枝茶, 很清的味道. 當然, 那麼好的茶少不了茶錢 (HKD$8/位)

看看餐牌, 食品價格確實有點貴, 我們先小試幾款

當然一定要試招牌海南雞飯 (HKD$88)

 有油飯一碗, 海南雞, 青菜, 醬油及雞湯.

湯是一杯上的, 是清雞湯, 但又不算很清. 加了幾顆杞子, 味道帶點甜甜的. 
主角海南雞雖不是脾 (要脾的話好像要加HKD$8), 不過雞件算是嫩滑不鞋, 啖啖肉, 未致於有驚喜但屬不錯的品質.

配角不可少看是雞飯. 

飯夠熱, 很香. 飯粒用上新加坡及泰國米混在一起煮的, 每粒都分明飽滿, 味道帶點微微的鮮雞味. 完全不油不膩. 我自己覺得偏乾了一點, 但另一半覺得剛剛好.

海鮮喇沙 (HKD$88)

本人雖吃不了亦不太喜辣, 但偏偏每次吃星馬菜都一定會點一碗喇沙試試. 為的其實是那濃郁香甜帶刺激的湯底, 越吃越上癮. 這裡的喇沙收費跟招牌海南雞飯一樣, 配料算是不欺場. 原粒帶子, 蝦, 小墨魚等等, 亦有不能少的魚片. 先嘗嘗湯底, 不算很辣但味道偏淡, 甜味只有一點點, 椰奶味亦不太能嘗到. 魚片是很滑又彈牙, 小墨魚跟帶子亦然. 不過蝦較細隻肉質偏淋. 

這裡只有瀨粉跟米粉作選擇. 我要了雙併. 米粉確實是很能吸湯, 味道不錯, 但瀨粉偏硬. 個人感覺還是覺得配油面比較好吃. 不過連加一的話就收接近百元的這碗喇沙, 實在是有點不值, 味道也是麻麻地.

咖哩雜菜煲 (HKD$68)

用鐵鍋上桌, 保證熱辣辣還燙咀的. 小小的一鍋, 但材料都幾豐富, 不過每款只有1-2舊, 底下很多都是薯仔. 咖哩做得很濃稠入味, 亦偏辣.

埋單2個人差不多要HKD$300, 點得不多, 都算貴.
食物OK, 不致於十分好食. 雖然不知道標準, 但說是米芝蓮推介的話有點誇張了吧....(不過反正我一向不太在意米芝蓮推介的餐廳)
不過這裡的服務不錯, 侍應快手快腳有禮貌, 環境乾淨企理,
如要選家不失禮的中價餐館吃星馬菜, 這家可以考慮下.


海南少爺 Hainan Shaoye
地址 : 銅鑼灣告士打道280號世貿中心3樓311號舖 
電話 : 2111 3166